ميلاد جديد !!!

يوم عيد ميلادها القادم
تأمل أن يكون
يوم ميلاد جديد لها
يوم تتنفس الصعداء
و تصرخ صرخة الطفل الأولى
الذي بدأ الحياة
عندما ...

عندما تترك بيت زوجها
الذي كان زوجها
الذي لا يستحق لقب الزوج
الذي استطاع بتفوق
تشويه كل المعاني الجميلة
التي كانت يوما بينهم
استطاع تحطيم قلبها
و خدش كرامتها
و بجدارة قتل كل ..
مشاعرها اتجاهه
حتى باتت تنتظر فراقه
بأي طريقة كانت

ظلت تعد الأيام حتى
تترك ذكريات مؤلمة
و تذهب لمكان جديد
أبعد ما يكون عنه !!!

٢٤_٣_٢٠١٢

يـكـفــي !!!

الإنـســان في خـيـالـه ..

يستطيع أن يصنع مـا يـشاء ..

لكن عندما يأتي الـواقــع .......
...

يـكــفـي تـخـيـّـُلا !!!

١١_٩_٢٠١١

بــراڤــــــو!!!

براڤـو ، لا أريد أن أصفـّق لك لأنني أخشى على يديّ من شدة التصفيق أن تتمزق !

لا أريد أن أحييــك حتى لا تتمادى !

لقد استطعت أن تجعلني أنطق بكلمة أجنبية في قصيدةٍ بالعربية الفصحى , استطعت أن تجعلني أمزج بين لغتين في آن ٍ واحد و أقول لك ... براڤـو !!!

بــراڤـــو .. أحـــسـنـت الهـــجــاء

و كـــلـمــاتــك مــزّقــت قــلـــبــي

إلـــى قـــطــــع ٍ مـــن الأشــــــلاء

و قـــتـلـتـنــي و أغـــــرقـــتــنـــي

فـــي بـــحـــر مـــن الـــــدمــــــاء

فـهـل لهــجـاءك مـــن انـتـهـــاء ؟!

و هلا ّ أحسست نحوي بشيء ٍمن رثاء ؟

ألم نكن في يوم ٍ من الأيام أخلا ّء ؟

ألا يوجد في قلبك ذرة ٌ من ولاء ؟

و كلـّما تبــــســـّــمت فـي وجـهـي

يعاودنــي الحنين فتقابلني بالجفاء !

كيف تقتلني هكذا بـدون عــــناء ؟!

ربـما كان مـــرورك بــذاكــرتــي

و تـــاريــــخـــــي و أيــــــامــــي

هـــــو أقـوى امــتحانٌ و ابــتــلاء

عــلـمــتـنــي كــيـــــف البــــكــاء

و كــــيـــف الـسـقـــــوط أرضــــاً

مـــغـــشـــيا عــليّ مـن الإعــــياء

عــلـمـتـنــي كــيـــف أصرخ عالياً

صــــرخــة ً تهـتـزّ لــها الســـمـاء

عــلـمـتـنــي كــيـــف الهـجـــاء!!!

عــلـمـتـنــي كــيـــف الصــمـــود

أمـــــام نــــظــرات الأبـــــريـــاء

عــلـمـتـنــي كــيـــف الجــــمـــود

كــيـــف الصـــــعــــود

و كــيـــف التـعالي بـلا اسـتـحـياء

عــلـمـتـنــي أدقّ مــعاني الكبرياء

حــــــــقــا بـــراڤـــــو

أتـــقــــنـــت الأداء !!!

مــا الـذي جـرى لأهـل الأرض ؟

اسـتــطــالـوا لـيــمــلكـوا السـمـاء

فأصاب بـنـيـتهـم انبعاج ٌ و انحناء

فداسوا على كبـيـرهم و صغـيرهم

لـيــقــتـربـــوا و يــرتـــفـعـــوا

أظــنـوا أنــهـم بـالـغـيـن السـمـاء ؟!

فــيـــــالـهـم مــن أغــبــــــياء !

أرأيت كيف الغباء يضرّ الأقوياء ؟

يـــــا ربــــــــي !!!

أنـا بــريءٌ مـــن هــذا الهــــــراء

آآهٍ مـــن الـمــشاعــر الجــــــرداء

آآهٍ مـــن قـــلـــوبٍ كـالصــحــراء

آآهٍ مـــن الخــُطــى الـعــــمــيـــاء

سـأكــتـفي بآهــــاتـــي لـنـفـســـي

و أتــــــــــركـكــم و أرحـــــــــل

و أجــلـس وحـــدي فـي العــِـراء

في الليالي الباردةِ صيفاً أو في الشتاء

حــقـــا مــــا عــــــدتُ أهــتـــــم

فـالـبــرد أحــيـانـا يـشـفـي الألـم

ســـأتــــركـكـــم و أرحــــــــــل

و أتــّخـذ بـــيـتا بــيـن الطــــيور

فــــــوق السحـــاب في الـسـمـاء

أو في جوفِ الأرض بين القـبور

ما عـدت أهتم بما أتنفس من هواء

و لن أقدّم لكم ما تريدون من رجاء

و لا أريــــد أن يكــون لـي بـكـم

صـِــلـــة ٌ أو أي انــتــمــــاء !!!

سـأرحل بـلا أمــتـعـةٍ بـلا أشـيـاء

سأتــرك كـل مــا يـذكـرنـي بـكـم

و لــن تـبـقى معـي سـوى ذكرى

سـأقــتـلهـا فـي داخــل الأحــشـاء

سـأرحـل عـن مــديـنـةٍ أمــواتـها

يـخــالـون أنـفـسـهـم أحــيـاء !!!

سأتـرككـم في هـدوءٍ بلا ضوضاء

فـــي سـكـــون ِ اللــيــل أرحـــــل

و أبــحــثُ عـــن أ ُنــاس ٍ آخريـن

أ ُنــــــاسٌ يـــعــرفـــون الله

و يـتـوجـهـون لـه بـالـدعــاء

أ ُنــــــاسٌ يـــتــّــقــــون الله

فــــــي كـــــلِّ ادّعــــــاء

أ ُنــــــاسٌ يجهلون الاستهزاء

و لا يــــعــرفـــون فــــرقــــاً

و لا يـهـتـمـــون بــالأســمـاء

و كـل ما يطمـحـون و يأملـون

هـــــو الـمــحــبـــة و الإخـــاء

سـأبــحـث عـن أ ُنــاس ٍ آخرين

يـكـون على أيـديـهـم لـي شفاء!!!

كـــُـتــِـبـَت فـــــي

الخميس ٥ مايو ٢٠١١

٣ حـاجــات !!!

كل واحد فينا عنده ٣ حـاجــات !!!


٣ حاجات بخاف منها :

أموت و انا بعيدة عن ربنا !
حد يزعل مني و انا مش واخدة بالي و ميقوليش !
أموت قبل ما اعمل حاجة مفيدة فـ حياتي و ابقى جيت و روحت من غير لازمة !

------------------------------

٣ حاجات أساسية عايزاهم من الدنيا :

الـســعـادة و الـرضـا !
الصّـحــة !
الـسـتـْـر !

------------------------------

٣ حاجات بتمنى أحققهم :


أساعد في القضاء على الـفـقـر فـ مـصـر !
أكون كاتبة معروفة و أوصّـل اللي فـ قلبي للناس !
أكتشف علاج لأي مرض و اساعد الناس انها تعيش حياة صحية !

------------------------------

٣ حاجات بحبها في الشخص اللي قدامي =) :


يكون قلبه طيب و رقيق و نقي و بريء !
يكون ضميره صاحي !
يكون متفائل و عنده أهداف و تطلعات للمستقبل !

------------------------------

٣ حاجات بكرهها في الشخص اللي قدامي =@ :


الانفعال و العصبية لدرجة توصل للبجاحة و ميقدرش يتحكم في تصرفاته !
الغرور بشكل أوڤـر !
طول اللسان و الشتيمة !

------------------------------

٣ حاجات بتمناهم في شريك حياتي ♥ :


يكون متفاهم و مؤمن بأحلامي !
يكون مخلص و بيحبني !
يكون أب لأولاده !

------------------------------

٣ حاجات مش هتجوز من غيرهم ^_^ :

الدراير ..
الكيتشن ماشين ..
غسالة الأطباق ..
D:
------------------------------

٣ حاجات متبانش عليا :

رومانسية !
عصيبة !
مجنونة !
D:

------------------------------

٣ حاجات بحبها :

الكـتـابــة =) !
الســــفـــر D= !
الأكــــــــل ^_^ !

------------------------------

٣ حاجات مش هكبر عليها :

أفـلام الكارتون !
مجلة مــيكي !
المـرجـيـحة !
D:

اغـفـر لي !!!

ظــلـلـتُ أبحثُ عن الحب عند أناس ٍ حولي

أبليتُ عمراً في شقاءٍٍ و لم أدري

بأن السعادة في حبك !

اغـفـر لي !!!

الـزالــنـتـايــن !!!

عارفين بكرة ايه ?
بيقولوا " الـزالــنـتـايــن "
المهم يعني انا مكنتش فاكرة خالص
و افتكرت من التلفزيون ^_^

انا بحس بصراحة ان اليوم ده بياخد اكبر من حجمه
و ملهوش أي لازمة
أيوووون ملهوش لازمة

طبعا ناس كتير هتقول عليا مش بفهم يعني ايه حب و معنديش احساس و الكلام ده P:

لا اسمعوني بس .. انا عايزاكم تفهموني ^_^

انا مقدرش علشان الناس بتحتفل بيوم و انا مش مقتنعة .. اجاملهم
احنا اتفقنا على الصراحة
و انا اليوم ده ببقى مش طايقة أشوف قدامي لون أحمر
بس محدش دماغه توديه بعيد و يقول اني بقرون بقى و ..... ها ? ^_^

طب خلينا نتفاهم بالراحة و بالعقل

انا عارفة اني مش لازم أكون بحب في قصة حب (على رأي احمد حلمي في فيلم مطب صناعي ^_^) علشان احتفل باليوم ده و عارفة ان في ناس كتير بتحتفل بيه مع اخواتهم و قرايبهم و صحابهم اللي بيحبوهم

بس احنا مش مفروض نستنى يوم علشان نعبر فيه لبعض عن مدى حبنا
و لا مستنيين يوم زي ده يحسسنا قد ايه احنا قريبين من بعض
و باقي الايام ننكد على بعض !!!

انا لما اتجوز مش هستنى يوم عيد الحب علشان أعبر لجوزي قد ايه انا بحبه
و مش هستنى اليوم ده علشان اعبر لأمي و أبويا قد ايه هما اغلى ناس في حياتي
و لا علشان اعبر لاخواتي و اصحابي
الحياة مش بتدور في يوم

و مش محتاجين يوم علشان نعبر فيه عن حبنا لكل الناس اللي حتى منعرفهمش
لان معاملتك للي حواليك هي اللي بتبين قد ايه انت بتحب الناس و بتحب الحياة

المفروض تكون كل أيامنا عيد حب

بس أكيد من جوانا دايما بنبقى نفسنا في يوم نركز فيه حبنا على قد ما نقدر و نعيشه من اوله لآخره من غير اي مشاكل

بس اليوم ده مش لازم يكون الفالنتاين
اليوم ده هيبقى يوم عيد جوازي
او يوم عيد ميلاد حد انا بحبه
او يوم عيد صداقتي مع صاحبتي اللي هو اول يوم اتصاحبنا فيه

يوم عيد جوازي و يوم الصداقة مش محتاج تفسير
لكن يوم عيد ميلاد حد انت بتحبه برضه مهم تحتفل بيه لانه اليوم اللي الشخص ده جه فيه للدنيا
اليوم اللي انت بتحمد ربنا عليه

طبعا في البداية هيخطر على بالكم انها هي هي و مش فارقة كتير
بس هي بتفرق فرق كبير جدا

لان اليوم اللي هتحتفلوا بيه ده هيكون فعلا بيمثل يوم ذكرى سعيدة ليكم
يوم حصل فيه أحلى حاجة في حياتكم
يوم مستحيل يعدي عليكم من غير ما تفتكروه
لكن ميبقاش يوم كل اللي بيعبر عنه هو اللون الاحمر و القلوب
يوم بيحتفل بيه كل الناس من غير ما يمثلهم أي ذكرى

يوم هما بيحتفلوا بيه لمجرد انهم اتولدوا لقوا كل الناس بتحتفل بيه

صدقوني انا اليوم ده مش بحس بأي حاجة
و لما اتجوز ان شاء الله
مش هحتاج اليوم ده لاني هخلي كل أيامي عيد حب
و مش هحتاجه لاني هيكون عندي عيد جوازي
و مش هحتاجه لاني مش هفتكره أصلا

يوم ملهوش أي لازمة :)

في ناس هيبقى في رأيها ان برضه غلط انك تحتفل بعيد ميلاد او عيد جواز او حاجة من النوعية دي

بس انا بقول ده عالأقل أرحم من ان الواحد يحتفل بعيد لا يمت له بأي صلة و لا حتى ذكرى خاصة بيه
و ده أضعف الايمان :)

تصدقوا ان اليوم ده خد اكبر من حقه و اتكلمت عنه اكتر من اللازم
^__^

بس اتمنى فكرتي تكون وصلت
و دلوقتي بس أقدر أحط صورة قلب من غير ما تفكروني بحتفل باليوم ده
D:
لاني زي ما قلت
كل أيامي عيد حب =)

عــُكاشة (٢)!!!

مشهد رقم ٢ :

نرجو منكم قبل قراءة هذا المشهد ، قراءة المشهد الأول مــــــــن هــــــــنـــا لانه مترتب عليه و مكمل لأحداثه ^_^

عــُـكاشة و أثناء جلوسه في بلكونة بيتهم يتذكر أمجاده في التلفزيون
يطلع عليه الجني من أحد أركان البلكونة و يبدوا عليه الهلع و الفزع (الجني طبعا مش عكاشة لان عكاشة مبيخافش من حاجة)


الجني : عكااااااشة !!!!!!

عكاشة : أعوذ بالله خوفتني عايز ايه ? هو كل شوية هتطلعلي تشكيلي همومك ? مش لاقي غيري ?

الجني : ماهي كل المصايب جاية من وراك ، و انت فاكرني جاي أفضفضلك ? انا في مصيبة جديدة و كله من تحت راااااااسك !!!

عكاشة : مبحبش اللي يعلق بلاويه على شماعات غيره ، تعال جوة علشان متفرجش علينا الناس

الجني (بعد ما دخلوا) : كان يوم اسود يوم ما طلعتني من المصباح و حققتلك امانيك المجنونة !

عكاشة : هو حد كان ضربك على ايدك ? ما كنت ترفض و خلاص

الجني : ما هي دي المصيييييـبة .. اني مرفضتش ، و المفروض الجني الشاطر اللي معاه مؤهلات عالية زيي و عنده نظرة مستقبلية كان لما يحس ان في مصيبة هتيجي من ورا واحد ميحققلهوش حاجة و ساعتها كان هيبقى معايا تصريح بكده ، بس أنا للأسف للأسففففف مستغلتش الفرصة دي

عكاشة : انت هتقعد تندب حظك ? خلاص يا سيدي ما اللي حصل حصل

الجني : ياااااادي المصيبة ، اعمل ايه دلوقتي ?!!! منك لله ... منك لله

عكاشة : طب خلاص متعيطش ، قولي ايه مشكلتك يمكن اقدر احلهالك ، مانا بقالي زمن عمال احل في مشاكل مصر و مش بتخلص و في الآخر الناس بتنكر الجميل و زعلانين مني

الجني : هو مش انا حذرتك و قلتلك محدش هيحبك ? قولتلي مش مهم انا عايز اكون مشهور ، اهو ده اللي حصل !

عكاشة : لا يا عم بس انا فعلا حليت مشاكل كتير و ولا حد عاجبه حاجة

الجني : طب إديني مثاااال واحد بسسسسسس !

عكاشة : لا لا لا لا لا لا يا عم ، ده مممممش موضوعنا دلوقتي خلينا فيك ، مش معقول تكون شايل مصيبة على راسك و انا اقعد اوصفلك انجازاتي و نجاحاتي و أمجادي ....... لا طبعا !

الجني : يا سيدي قولي حاجة واحدة !

عكاشة : لا مش وقته خلاص .. انت قفلتني يا عم

الجني : ايوة ايوة اعملهم عليا ، براحتك .. انت اصلا مجنوووووون و الدليل .. اللي حصلي من وراك

عكاشة : هو ايه اللي حصل ما تقول ?

الجني : الحكومة بتدور عليا و انا هربان بقالي فترة و مش عارف استخبى فين ، بيقولوا هيسحبوا مني كارنيه النقابة و مش هشتغل تاني اي شغلانة عندكم و هشتغل عندنا بس و ده طبعا بعد ما اقضي فترة العقوبة في السجن

عكاشة : كل واااااحد بياخد جزااااته

الجني (بنرفزة) : و كماااااان ليك عين تتكلم ? ما انت السبب في المصيبة دي كلها ، هو انا مش مأكد عليك متقولش لحد ?

عكاشة : مانا مقولتش لحد طبعا !

الجني : أومال الموضوع اتعرف من فييييين ? قولي !

عكاشة : معرفش و انا مالي ، تلاقي عندكم التحريات شغالة عال العال

الجني : الظاهر ده اللي حصل ، المهم اني عرفت من صاحبي التفاصيل و انهم عايزين يمسكوني علشان اتسببت في مصيبة كبيرة عندكم هنا لما وافقت اعملك قناة و اني غلطت غلطة لا تـُـغتفر و مفيش حلول وسط ، لازم أتسجن ، منك لله ربنا ينتقم منك يا شيخ !!! و دلوقتي مقداميش غير اني اختفي عندكم هنا شوية لحد ما الاقي حل للمصيبة دي

عكاشة : طب صحيح لاقيتلك حل عبقري ، انا عن نفسي بستعمله على طول

الجني : إلحقني بـيييييييه ، و لو اني مش مصدق ان ممكن حاجة عدلة تيجي من وراك

عكاشة : احنا هنغلط و لا ايه ? عايز الحل و لا لأ ? ده حل جامد جدا

الجني : اتفضل قووووول

عكاشة : انت تنكررررررر ... تنكر اي صلة ليك بيا و تنكر اي علاقة ليك بالقناة دي من أساسه

الجني : هو ده الحل يا حـِدِق ?

عكاشة : أوماااااال ، ده حل جامد ، على طول بستعمله ، أي حاجة تحصل و اتفضح فيها ، أطلع أقول : مـحـصصصصصلـشي ، و الشاطر يثبت ، يجيبوا فيديوهات و أقول متفبركة و حلني بقى على ما يثبتوا انها مش متفبركة اكون طلعتلهم بحاجة جديدة ، شغل عفاريت بقى

الجني : عندنا مينفعش الكلام ده و هيثبتوا عليا التهمة و هيتشدد كمان العقاب علشان انكرت و ضللت العدالة

عكاشة : صدقني هو ده الحل و شغال معايا زي الفل لحد دلوقتي ، يقولولك بوست ايد صفوت الشريف ، طلعت قلت لا طبعا ، أنا ابوس ايد صفوت ? لييييه ? ده هو اللي يبوس ايدي ، و دلوقتي ناشرين خبر قال ايه ، في ألوفات تحت بيتي بيطالبوا بنزولي و تسليمي ، طبعا انكرت و بعتلهم قولت انهم عشرين تلاتين واحد من الحاقدين و اللي مش عايزيني أنجح و لا عايزين مصر تستقر ، أقلية طبعا

الجني : آه صحيح ، ايه كمية الناس الرهيبة اللي تحت بيتك دي ، انا واجهت مشكلة علشان اوصل بالرغم من اني جني و محدش شايفني بس اعداد رهيبة ، كنت بتقول ايه بقى ? كام ?

عكاشة : عشرين تلاتين

الجني : طب اطلع كده خد بصة خفيفة ?

عكاشة : يا عم مانا عااااارف ، انت برضه مفهمتنيش ، ما هو ده اللي بتكلم عليه ، الانكار هو الحل

الجني : يا حبيبي في كاميرات تحت بتصور اللي بيحصل يعني هيطلع شكلك وحش قويييييييييي

عكاشة : لا مانا ساعتها هقول انهم كانوا عشرين واحد لما انا كنت متابع و الظاهر كده الله اعلم انهم فضلوا يلموا ناس لحد ما العدد زاد قوي بس انا مش فاضي كل شوية اطلع اعدهم ، و انا فاضيلهم ? ورايا قضايا اهم تخص بلدي

الجني : يا سلااااام عالوطنية ، برضه محلتليش المصيبة الي انت سببتهالي

عكاشة : عندي حل تاني ، انت كنت نصحتني بيه زمان ، فاكر ?

الجني : خلصني مش وقت فوازير

عكاشة : بص انت تعمل عبيط ، و مثــّـل عليهم انك مجنون ، عالاقل مستشفى المجانين ارحم من السجن و لا ايه ?

الجني : بس انا مقلتش تمثل انك مجنون ، لانك مجنون بحق و حقيقي و مش محتاج تمثل

عكاشة : متدقــّـش ، المهم انت بس روح سلم نفسك و في المحكمة او في القسم اعمل عليهم حركتين كده ، و كل ما ييجي الظابط يسألك اي سؤال لافـــيه انت بسؤال برضه ، يعني مثلا اسأله حزمة الجرجير فيها كام عود ? هتلاقيه اسبهل و معرفش يجاوبك فانت تستغل الفرصة و تقوله ، بس كده .. يبقى انا بريء يا بيه

الجني : انت باين عليك اهبل فعلا ، هو احنا في مسلسل عربي ?

عكاشة : و الله انا حاولت اساعدك ، انت بقى اللي مفيش منك امل

الجني : هي دي بقى الطرق اللي كنت بتساعد بيها الناس و هما ناكرين للجميل مش كده ?

عكاشة : يعني حاجة زي كده ، الحل الاخير بقى هو انك تيجي تعيش عندنا ، و ممكن تشتغل معايا هلاقيلك شغلانة حلوة و كويسة عندي في القناة

الجني : مينفعش .. مينفعش .. خلاص خلاص سيبني في حالي مش عايز من وشك حاجة ، بس لو حصلي اي حاجة ابقى اعرف ان انت السبب

عكاشة : كالعادة ناكر للجميل عامل زي بتوع ميدان التحرير ، انا غلطان اني تعبت نفسي علشان اساعدك

الجني : انا لو ممكن كنت ظهرتلهم تحت و عرفتهم انت في انهي دور بالظبط علشان يجيبوك من قفاك و ياخدولي حقي ، بس يا خسارة

عكاشة : روح يا عم اتحسر بعيد عني

الجني : منك لله ربنا ينتقم منك ، حسبي الله و نعم الوكيل فيك ، أشوف فيك يوووووووم !!!!!