Olla Day !!! :D

امبارح !!!!!!!!!!!!!!!!
كان يوم من عمري .. مش هنساه :)))))))))))

 

 

اوعي تدمع !!! = '(

 

 

سيبنا ف كل مكان حكايتنا
مرة بصورة و مرة بصوتنا
عشنا سنين و ثوانى فاتتنا
فاتت ثانية كبرنا سنين !!!
أيوة ف نفس السكة مشينا
دمعة فرحة جوا عنينا
مهما ضحكنا و مهما بكينا
دلوقتى نقول ماشيين !!!
مهما مشينا و مهما كبرنا
مهما ف صخر الدنيا عافرنا
نلقى امبارح لسة فاكرنا
بايدنا ف كل ما فيه حافرين
و انت بتمشى اوعى تدمع
أصل دموع البعد بتوجع
يمكن ننسى و يمكن نرجع
ويا قلوب جواك عايشين
بكرة ف البوم صورك تسرح
يحلم قلبك عينك تفرح
مليون ذكرى بذكرى هتطرح
غير لمتنا مش عايزين
لما كتير الحزن أخدنا
تقل الحمل الهم غلبنا
وقت سهرنا و وقت تعبنا
عدا الوقت و مش فاكرين !!!

 

اغنية صيدلة اسكندرية 2009 

 

 http://www.youtube.com/watch?v=Evz0kWJymys&feature=share

 

=' (

و خلصنا ... خلصنا !!!

عاااااااااااااااااااااااااااا
جوجوجوجوجوجوجوجو
جاااااااااااا جييييييييييي جووووووووووو
ياهووووووووووووووو
هوهوهوهو هي هي هي هي
ها ها ها ها نياهاهاهاهاهاهااااااااااااااا
لولولولولولولولولولولولولوووووووووووووويييييييييي
ياااااااسسسسسسسسس
هاهاهاهاهااااااااااااااييييييي
آآآآي ديد ايييييت D:
و خلصنا ،،، خلصنا ،،، و خلصنا ،،،، خلصنااااااااااااااا

احم احم احم
انا خلصت يا جماعة
بقيت خرّيجة
بقيت خديجة الخرّيجة ^__^
اشهد يا تاريخ
خرجت إلى الحياة العملية اليوم السبت الموافق ٢٣_٦_٢٠١٢ =)

بجد زعلانة على الذكريات الحلوة
كل صحابي و زمايلي هيوحشوني قوي قوي قوي ='(
و صيدلة هقولها حاجة واحدة بس : هتوحشيني يا مجنووووووووونة !!! D:
 
شعار اليوم : لا ذُل بعد اليوم !!!!!
نياهاهاهاهاهاهاهاها

احم ،،، الحمد لله =)

ذكريات الطفولة (١) !!!

فاكرين دي ?! D:






ذهب الليل طلع الفجر والعصفور صو صو
شاف القطة قال لها بسبس قالت له نونو
ماما قالت له سيب القطة وخليها في حالها
فات مدرسته ورمى كراسته وراح جر شكلها
راحت القطة مخربشة ايده لما مسك ديلها
وادي جزات اللي مايسمعش كلمة ماما تقولها

D:
 احم احم ذكريات الطفولة بما اني فاضلي زقة و اطلع بره
اتخرّج يعني ^_^

هي ليها تكملة بس انا الجزء ده بس اللي كنت بسمعه و انا صغيرة
الباقي ده مش فاكرة اني سمعته خالص ^__^

عايزينه برضه ?
حاااضر D:


::::::::::::::
ابله قالت لي فيفي الحلوة زعلت من سوسو
راح يصالحها وباسها وهي حلفت ماتبوسه
جابت الحبر وعاصت ايدها وجت بشويش جنبه
مسحت ايدها في وشه وعملت قال ايه بتلاعبه
سوسو ضربها ومسك الحبر اللي في ايدها وقلبه
على فستانها وشافهم بابا وضربها وضربه
:::::::::::::::::
ذهب الليل طلع الفجر والعصفور صو صو
شاف القطة قال لها بسبس قالت له نونو
:::::::::::::::
نذر عليا اجيلكو واولع شمعة من شمعة
لحد الشبر ونص مايكبر ويروح الجامعة
ميمي دكتور وسعاد دكتورة واحنا ندعيلكم
وصلاح يبقى محامي وتوتو قاضي يصالحكم
وعصام بكره حيبقى ضابط ويدافع عنكم
يفدي وادي النيل بحياته وحياته منكم
:::::::::::::::

يلا كفاية عليكم كده ..
 ألقاكم لاحقا مع ذكريات جديدة =)

يوم مميز !!!

النهاردة
يوم مميز قوي
أولا مزاجي متظبط من ساعة ما بدأت المؤشرات تظهر ان الرئاسة لمرسي باذن الله
كان عندي امتحان النهاردة فاينال و قاعدة الفجر بذاكر و أخويا داخل طالع بيقولي آخر المستجدات و كل ما عدد اللجان اللي تتفرز يزيد عدد دقات قلبي تزيد
بقيت عمالة بدعي و مرعوبة
يا رب مرسي يا رب
شفيق لأ
مش مهم الامتحان طز فيه
المهم النتيجة يا رب
استرها يا رب !!!!!!!!
مش قادرة اوصفلكم الرعب اللي كنت فيه
الحمد لله نزلت من بيتي و انا مبسوطة و رايحة الامتحان مبسوطة رغم اني مكنتش مخلصة
مش مهم بقى اي حاجة خلاص D:
طبعا لسه المشاكل منتهتش
دي لسه هتبدأ
بس عالأقل في حاجة ممكن نبني عليها أمل
شفيق مخدهاش !!!
الحـــمــــد لله ^__^

مش بس كده
النهاردة يوم مميز كمان علشان آخر امتحان لمادة صيدلانية
آخر امتحان شفوي
آخر بهدلة هنشوفها في صيدلة
و هتوحشنا :)))))))

كنا بنودع كل حاجة النهاردة و احنا فرحانين علشان كانوا بيصالحونا فجابوا الامتحان سهل ^_^
و علشان ربنا ستر و مرسي كسب :)

يوم مفهوش حاجة تزعل
الحمد لله :)))))))))

الوداع !!!

إنها تلك اللحظات
عندما نشعر باقتراب النهاية
و تـُضطر أنفسنا إلى توديع أشياء
كانت تتجاهل حقيقة أنها ..
سوف تذهب يوما ما !!!

 ____________________

إنها تلك اللحظات !!!

لحظات قد تطول و قد تقصر ... قد تستغرق ثوانٍ معدودة أو دقائق ... و قد تزداد لساعات ... و يمكن أن تصل لأيامٍ و شهور ... و أحيانا قد تطول لتبلغ أعواماً !!!

 

ماضي !!!

ذهبت ..

فـ كتبت .. ـها

تركت .. ـها

و رحلت !!!

حاجات في حيانا كتير بنتمنى انها تفضل بالمضارع
بس للأسف بيجيلها وقت تتحول للماضي ..
و أحيانا بيكون مش من نصيبها ..
انها تدوم في الحاضر و لو شوية صغيرين
و مصيرها المحتوم ... الماضي !!! =' (

حقيقة الوضع الراهن !!!

حقيقة ما نحن عليه الآن في مصر ، حوار دار بين شفيق و مبارك قبل تنحيه !!!

-----------------------------------


مبارك : الناس عايزيني امشي ، اعمل ايه ?
 
شفيق : متعملش حاجة بكرة هيروحوا بيوتهم متقلقش
 
مبارك : لا ده واضح انهم بيتكلموا جد المرادي مش بيهزروا
 
شفيق : يا عم الناس دي مش فاهمين حاجة في البطيخ ، اسمع مني ، هعرف اضحك عليهم كلهم ,استنى عليهم شوية
 
مبارك : ماهو بعد الخطاب بتاعي في ناس صدقتني و ناس فضلوا في الميدان و لولا انك ضربتهم و سرّحت عليهم البلطجية و قتلتهم كانوا باقيتهم روّحوا بس دلوقتي خلاص مفيش أمل
 
شفيق : مقتلتهمش لوحدي و بعدين مش كله علشانك ?
 
مبارك : طب الحقني باي حاجة يا عم اعمل ايه دلوقتي ? ، الحقني باي حل الناس جابت آخرها

شفيق : بص يا معلم ، انا عندي ليك خطة متخطرش على بال عفريت ازرق
 
مبارك : اشجيني ، بس مش عايز مصايب ما انت المرة اللي فاتت قلتلي غير الحكومة و حطني انا رئيس عليها هظبطك ، الناس هاجت أكتر
 
شفيق : لا المرادي الطبخة متسبكة عالآخر
 
مبارك : الحقني بيها
 
شفيق : بس ركز معايا دي خطة طويلة و هتاخد وقت و عايزة منك صبر شوية بس ناجحة ناجحة مفيش كلام يا باشا
 
مبارك : ما تنطق الناس فاضلهم شوية و هيطلعولي فوق
 
شفيق : بص يا سيدي انت تسلمهالي و انا هحافظلك عليها و ارجعهالك تاني بعد ما تكون الناس نامت
 
مبارك : هي ايه دي اللي اسلمهالك ?
 
شفيق : مصر يا حسني ، هتاخدها تاني متخافش ، شوية كده بس لزوم التمثيلية
 
مبارك : كده برضه ? مكنش العشم ، عايز تاخد الكرسي مني ، ده انت صاحبي و حبيبي ، طمعان في مركزي ?

شفيق : عيب يا راجل متقولش كده الكرسي بتاعك و هيفضل بتاعك انت و جمال ، دانا بعتبره زي ابني ، اسمع الخطة للآخر بس و انت تفهم 

مبارك : معاك يا سيدي كمل !
 
شفيق : اولا انت تبعت تجيب سليمان يطلع دلوقتي يعلن خبر تنحيك ، الناس هتعيش يومين حلوين و هيصة و رقص و مزيكا و هيحسوا انهم كسبوا و الثورة نجحت ، انما ده بعينهم دانا بنفسي هقفلهالهم خالص ، علشان بعد كده يفكروا يجوروا على اسيادهم
 
ثانيا : الجيش بقى هيبقى هو حبيب الناس و الناس هتمسك في الجيش و يحطوا عليهم امل ، و نمسك الأمانة لطنطاوي شوية و يفضل هو ينيم في الناس كل يومين كده ببيان عالنت لأ و فين عالفيس بوك علشان يحسوا ان الجيش زيهم عصري و بيحب الحاجات دي و بيعترف بالشباب و هيلا هوب بدأت التمثيلية و كل ما نقرب نتفضح يطلع الجيش ببيان و الله الموفق و المستعان
معايا لحد هنا ?

مبارك : معاك يا دماغ يا عالية ، كمل !

شفيق : نبدأ بقى نحسس الناس بالحرية و نخليهم يعيشوا دور الديموقراطية شوية ، مرة استفتاء و بعديها انتخابات مجلس شعب نزيهة و فل الفل كله على سنجة عشرة ، طبعا ساعتها الاسلاميين و الفئات الحرة هيبقوا عايزين يدخلوا المجلس يلا هنسيبهم يدخلوا ما هي بقت هيصة ، بس نستحملهم شوية علشان الناس تصدق و هيشتغلونا كل مرة في الاجتماعات بتاعتهم بس مش مشكلة خلي اللعب يحلوّ ، هنسيب مصر بقى من غير رئيس سنة كده و لا حاجة قال يعني بنظبط بقى الاحكام و الحاجات السياسية اللي الناس مش هتفهمها ، اصل لو استعجلنا هنتفقس ، و خلال الوقت ده نكسر في الاسلاميين من كل حتة علشان الناس تبدأ تتخنق منهم و طبعا مفيش حد مبيغلطش فهنعرف نوقعهم كويس و مجلس الشعب اللي اتعمل انا و انت عارفين ان في قانون هنطلع بيه في الوقت المناسب نحله كله تاني بس استنى لسة مجيناش للخطوة دي ، ايه رأيك لحد كده ?

مبارك : طب و انا الوقت ده كله هبقى فين ?
 
شفيق : جايلك انا عالحتة دي ، معلش انت و ولادك و رجالتك هتستحملوا معانا شوية بهدلة كده لزوم التمثيل ، تدخلوا السجن .......

مبارك : ايه ??????? انت اتجننت ??!!!!!!!!!
 
شفيق : اهدى بس عاملك انا خطة حلوة ليك مخصوص
 
مبارك : قال سجن قال ، شكلك بدأت تخرف يا شفيق
 
شفيق : عيب عليك ، انت هتعمل عيان و بتموت فهتقضي اغلب الوقت في المستشفيات و هندلعك يا سيدي ، هاه ، مرضي ?
 
مبارك : طب و علاء و جمال ?
 
شفيق : لا دول مش هنعرف نلاقيلهم حل غير انهم يدخلوا السجن مع العادلي و عز و باقيت الشلة علشان تبقى شكلها واقعي و احنا هنظبطهم جوة من تحت لتحت ، المهم الشعب هيبدأ يطمن ، اغلب رموز الفلول الكبيرة في السجن ، و الدنيا ماشية زي الفل
هنيجي بقى بشوية ناس من بتوع آسفين يا ريس يعملوا دوشة الفترة دي و معاهم ناس يشجعوني و بنحب شفيق و الافلام دي
ثالثا بقى هنفضل نماطل في القضية بتاعتك و نأجلها شوية
 
مبارك : هو القضاء معانا ?
 
شفيق : هو اللي اكيد ان الجيش في جيبنا اليمين و الشرطة في الجيب الشمال ، القضاء مش عارف لسه بس هنلاقيله طريقة متخافش ، يجيلنا شمال نجيله يمين لحد ما نعدي ، و لو كنت خايف من المحاكمة فعلى ما تحصل فيها اجراءات هتكون كل الادلة محروقة يا معلم و ولا من شاف و لا من دري !!!

مبارك : معلم !!!!!!!

شفيق : المهم علشان مطولش عليك السنة هتعدي و انتخابات الرئاسة هتقرب و يبدأ الترشح للانتخابات ، ادخل انا و موسى نعملهم شوية زغللة الاغلبية هتركز مع موسى و مش هيبقى في مني قلق قوي و هيبقى في اتنين فلول و الناس هتبدأ تقلق و ساعتها نطلع بالناس اللي عايزين شفيق يبدأوا ينتشروا و ييجي سليمان يعمل حركتين كده قال يعني هيرشح نفسه و يخلع المهم شوية زغللة و صداع كله تمام و الترشح للانتخابات يحصل و نعدي انا و موسى بالكوسة !!!
طبعا لو كسبت من اول جولة هنتقفش ، بس برضه هنلعب في الاصوات و نبعد الناس القوية زي ابو الفتوح و حازم و حمدين ، ده اذا مكنش في حد منهم طار من قبل الانتخابات ، المهم نبعدهم عن التصفيات و يتبقى انا و مين ???

مبارك : مين ???

شفيق : الاخواااااااااان ، طبعا هنكون خوفنا الناس منهم كفاية و صورتهم مهزوزة عالشاشة فطبيعي جدا يحصل انقسام بين الناس اللي هيقاطع و اللي عايزني و اللي عايزهم فشكل الموضوع من بعيد ديموقراطي عالآخر
في خلال الفترة اللي قبل الاعادة اعملي انا كام حركة كده حلوين على كام خطاب اي كلام واقنع الناس الغلابة اني هرجع الامن لان طبعا البلطجية دول بتوعنا و فـ ثواني نلمهم كلهم و اقنعهم بكل حاجة علشان تكون برضه في فئة عايزاني بجد و على عائلات العسكر كلهم على ناس بتوع مصالحهم و بتوع فلوس تكمل التمثيلية و يبقى في شوية اعداد محترمة عايزاني وقبل الاعادة نطلع بالقانون اللي يحل مجلس الشعب اللي كنا احنا سايبينه بمزاجنا اصلا بحيث تبدأ الاعادة من غير ما يكون في مجلس و بما ان الاخوان قصادي لو كسبت انا بالتزوير هيبقى شكلها منطقي لان ناس كتير مش عايزين الاخوان و انا في الخطابات بتاعتي كمان هجيب ناس كتير تسقفلي و تبقى محبوكة التمثيلية عالآخر
بعد ما اكسب خلاص كده الكورة بقت في ملعبنا و مجلس الشعب اللي تشاور عليه يبقوا في ثواني قاعدين في اماكنهم و الناس كل ده يا عيني فاكرين انهم بيكملوا الثورة !!!
من ساعة ما امسك كده بقى اديني سنتين كده نكون عملنا خطة جديدة ازاي نرجعلك الكرسي تاني
و لو زنقت معانا قوي هكمل انا اربع سنين و تاخدها بعد مني و ممكن خلال الاربعة دول تحكم من ورا الكرسي ايه رأيك

مبارك : طول عمري بقول لسوزي شفيق ده تربيتي و هيطلع عبقري زيي ، لا معلم معلم معلم !!! بس افرض معرفتش امسك تاني 

شفيق : يا سيدي نضمن انك عالأقل متاخدش اعدام و كل الحكومة بتاعتك  و لو زنقت قوي قوي قوي ياخدها بعد مني جمال على طول زي ما كان نفسك تعمل

مبارك : صحيح طب مقولتليش محاكمتي آخرتها ايه ?

شفيق : معلش وقعت مني دي ، محاكمتك هتبقى في نفس ايام الانتخابات علشان ضربتين في الراس توجع و في خلال شهر واحد نكون ضربنا المصريين في دماغهم كذا ضربة مش هيلحقوا يفهمومها

مبارك : الحكم هيبقى ايه ?

شفيق : دي معرفش اضمنهالك بس من غير ادلة انت ممكن تاخدلك كام سنة سجن و نطلعلك ولادك براءة يا سيدي ، مرضي كده و لا عايز تعدل عالخطة?

مبارك : لا يا عم , انا مش بكتب الخطاب بتاعي اصلا هعدل على خطتك برضه ? ، على بركة الله بس في تفاصيل كتير متكلمناش فيها

شفيق : مش مشكلة كله في وقته يا باشا ، يلا اسند ضهرك بقى استعدادا للتمثيلية و ابعت هات سليمان و يلا نبدأ و ..... أكشن

مبارك : الا صحيح مقولتليش مين المخرج ?

شفيق : انا البطل و المنتج و المخرج

مبارك : طب بما انك المخرج و المنتج انا مش عايز ادخل اي محاكمة من غير نضارة شمس ، مش هبقى عارف ابص فين ، لازم تضمنلي انهم يسيبولي واحدة من بتوعي الأقل , و لا انت عايزني امثل المشاهد دي من غير نضارة ?
 
شفيق : يا سيدي نسيبلك الدولاب كله ، محدش هيركز متخافش
 
مبارك : يلا أكشن يا جدع و مبروووووك علينا مقدمااااااااااا
------------------------------------------------------------

ده تخيل بسيط لحقيقة الواقع اللي احنا عايشينه دلوقتي
و للمصايب اللي اعتقد من وجهة نظري انها بتحصل من ورانا بشكل مشابه لده
آسفة طولت عليكم

سيناريو و حوار : خديجة غتوري

مصر .. يا رب !!!

احساس غريب حسيته
كنت عايزة أعيط
كإن حاجة بتتاخد مني
و انا ايدي مربوطة
و كل ما يقول حرف زيادة
دماغي تسخن زيادة
و ابقى عايزة اصرخ
و ادخل اسحبه من جوة التلفزيون
و اقوله كفااااااااااية
كفااااااااااية كدب بقى !!!!!!!!!

ده حتى الكدب مش عارف تكدبه
مش لايق عليك دور "هنبني و هنصلح مصر"
مش لايقة عليك التمثيلية
انت كدبت و صدقت الكدبة و لا ايه ??!!

النهاردة سمعت خطاب شفيق في المؤتمر بتاعه
كان جوايا شعور قوي بأمنية معينة
كان نفسي المشهد بتاع مقتل السادات يتكرر تاني
علشان كل المصريين في بيوتهم يقوموا يسقفوا
ردا على الناس اللي كانت بتقوم تسقفله

بجد مش قادرة اوصف احساسي
مش لاقية غير اني استنجد بربنا و ادعيه
انه يسترها معانا
هو في ايده كل حاجة
يا رب !!!!!!!!!!! =' (

للقرآن .. و بالقرآن !!!

يـــا رب ..
اهدينا .. للقرآن
و بالقرآن ..
اهدينا !!!

=)

أكـثرهــا ظــلامــا !!!

أكـثر فـتـرات حياتنا ظــلامــا ... هـي تلك التي ننشغل فيها عن قـراءة الـقــرآن !!!

عــــــن تجربـــة =)

لم تكن !!!

إنها تلك اللحظات التي تتمنى فيها ... لو أنك لم تكن موجودا من قبل !!!

 ____________________
إنها تلك اللحظات !!!

لحظات قد تطول و قد تقصر ... قد تستغرق ثوانٍ معدودة أو دقائق ... و قد تزداد لساعات ... و يمكن أن تصل لأيامٍ و شهور ... و أحيانا قد تطول لتبلغ أعواماً !!! 

مبارك و البيو أسـّـاي !!!

النهاردة ........ امممممم يوم غريب !!!!!!!
مش عارفة
انا متنرفزة فمش عارفة ازاي ابدأ الكلام بالطريقة اللي مفروض ابدأها زي كل مرة في بوست جديد

امبارح .....
كنت بقول لأمي
انا حاسة اني هاخد بكرة علقتين !!!
علقة امتحان البيو أساي (Bio-assay) و علقة اللي هيحصل في محاكمة مبارك

و قد كان !!!

مش مهم الامتحان دلوقتي ، هو حظه انه جه في يوم زي ده ، و يمكن نسيت فرع بحاله و بقيت بشوف الكلمة عارفاها بس مش عارفة مكانها في المنهج و لا تفاصيلها ، بس مش مهم ، الحمد لله عدت ... 

بس !!!!!!!!!

نتيجة المحاكمة !!! ، بالاضافة للي كان حاصل الكام يوم اللي فاتوا بعد نتيجة الانتخابات الظريفة ، نتيجة اول انتخابات مفروض انها ديموقراطية و نزيهة في مصر ، نتيجة اول انتخابات مفروض يحصل فيها صراع بين اتنين يستاهلوا ياخدوا المنصب و الناس تحتار بينهم ...
مش يطلع فلوووووول ، من اول انتخابات نشارك فيها كلنا ?
اول مرة نحس اننا بنختار ...
يطلع برضه فلوووول
هو ايه ده ??!!!!
اتنرفزت بس مسكت اعصابي على اساس لسه في أمل الاخوان ياخدوها و اللي مش عايزهم .. يستحملهم ٤ سنين مش مشكلة و هيحصل حاجات كتير و كله هيبقى تحت عنينا , ايا كان ايه اللي هيحصل ، هيبقى ارحم من ان اي فلّ حرامي قتال قتلة يمسكنا تاني
علشان لو حصل هيبقى أكبر اثبات ان "مفيش فايدة" !!!

يطلع فلول و هو اللي يكسب ??!!!!!!!
دي تبقى مصيبة
منقدرش نستحمل فلول ٤ سنين و منقدرش نسيبه يلمس الكرسي بعد ما نضفناه و غسلناه بدم الشهداء اللي هو قتلهم ...

بعد الاستفزاز ده اللي استمر كام يوم و مش بس من الاخبار لكن كمان من الناس اللي حوالينا اللي لسه مصرين يختاروا شفيق
و من الناس اللي قررت تكون سلبية علشان مش عاجبها شفيق و لا الاخوان
رغم انهم عارفين لو منزلوش يبقى شفيق هياخدها
ده اذا مخدهاش بالتزوير
بعد كل ده !!!!!!!!!!
تحصل مهزلة النطق بالحكم ? ٢_٦_٢٠١٢ ???
يعني خلاص ? مفيش فايدة ?
مفيش حاجة هنعرف نغيرها ?

انا متنرفزة
مش قادرة حتى اكتب الغيظ اللي حاسة بيه في قصيدة
مشلولة مش قادرة اعبر !!!
بس مش قادرة برضه امسح من جوايا احساس الامل
و ان مينفعش نيأس علشان ده أقل حق ليها علينا
أقل حق لمصر !!!
يا رب عايزين نشوف تغيير حقيقي
مش مزيف
علشان بجد تعبنا
و مش هنستحمل يموت ضعف الاعداد اللي ماتت 
علشان الحلم يتحول من حقيقة لمزيف !!!!


ليه كل ده بيحصل ?
أكيد في حكمة !!!
بس نفهمها أو نقرب منها
يــــــا رب !!!!!!!!!!!!