قالتله : آسفة !!!
قالها : مبزعلش
قالتله : بس أنا خذلتك بجد آسفة
قالها : بس أنا مش بزعل منك
قالتله : بس أنا جرحتك من غير ما اقصد و غصب عني , بجد آسفة
قالها : الجرح منك خفيف على قلبي
قالتله : يا سلام !!!
قالها : آه و الله و بقولك مش زعلان
قالتله : أنا برضه آسفة
قالها : متخافيش أنا مش زعلان
قالتله : آسفة و كل مرة هشوفك هقولك آسفة
قالها : انتي حرة بس أنا مش زعلان
قالتله : آسفة
قالها : بطلي تتأسفي
قالتله : آسفة و الله آسفة و مش عارفة اعمل ايه علشان اعبر عن أسفي
قالها : ممكن تبطلي ?
قالتله : حاضر , ممكن تسامحني ?
قالها : و بعدين ???
قالتله : حاضر
قالها : أخيرااااااا !!!
قالتله : بس أنا مش عارفة إزاي مقولكش آسفة
قالها : سهلة , تصدقي اني مش زعلان
قالتله : مش قادرة
قالها : انتي عنيدة قوي
قالتله : آسفة
قالها : و الله مش زعلان مش زعلااااان
قالتله : حتى لو انت مش زعلان أنا هفضل حاسة اني آسفة
قالها : حرام عليكي كفاية
قالتله : آسفة
قالها : حاولي تاني
قالتله : حاضر
قالها : حاولي بجد
قالتله : حاضر و الله
قالها : طب الحمد لله يعني أطمن ?
قالتله : مش عارفة
قالها : يعني ايه ??
قالتله : علشان أنا لسه حاساها
قالها : يبقى محاولتيش
قالتله : بجد آسفة أرجوك تسامحني
قالها : مسامحك يا ستي كفاية أسف بقى
قالتله : بجد بجد بجد آسفة
قالها : انتي دماغك جزمة قديمة
قالتله : كده ?!!!
قالها : متزعليش بس انتي مش راضية تسمعي كلامي و بحاول معاكي بأي طريقة يمكن تنفع أعملك ايه ?!
قالتله : متعملش حاجة مفيش حل و هفضل آسفة
قالها : آآآآه ياني من البنات
قالتله : عايزة أقولك حاجة و امشي ممكن ?
قالها : اتفضلي
قالتله : آسفة !
قالها : يعني مفيش فايدة ?
قالتله : مفيش فايدة أنا لسه آسفة
قالها : تعرفي انك صدعتيني ?
قالتله : آسفة علشان صدعتك
قالها : طب انتي ليه بتعملي كده
قالتله : انت اللي ليه مش راضي تفهم اني بجد حاسة بأسفي ?
قالها : و افهم ليه و أنا اصلا مش زعلان
قالتله : ما انت أكيد مش زعلان علشان مش فاهم أنا بتأسف ليه
قالها : لا فاهم يا ستي و الله
قالتله : و برضه مش زعلان ?
قالها : لو عايزاني ازعل , هزعل علشانك
قالتله : لا أكيد مش عايزاك تزعل بس أنا مش قادرة اصدق انك مش زعلان و حاسة انك مش واخد بالك من غلطتي علشان كده مش زعلان دلوقتي و هتيجي قدام تزعل بعد كده
قالها : أنا فاهم كل حاجة أنا مش غبي
قالتله : يبقى اكيد في حاجة غلط
قالها : يعني لو قلتلك زعلان يبقى كده كل حاجة هتبقى تمام ?
قالتله : مش عارفة و الله أنا مبقتش عارفة أنا عايزة ايه
قالها : و أنا على عكسك عارف اني مش زعلان
قالتله : أنا عمري ما هسامح نفسي بجد آسفة
قالها : يا ستي انا مسامحك و هو المفروض مين فينا اللي زعلان ?
قالتله : انت !
قالها : يعني مين اللي المفروض يسامحك ?
قالتله : انت !
قالها : يعني مش انتي اللي بتسامحي نفسك , أنا مسامحك و مسامح نفسك , خلاص كده خالصين ?
قالتله : بس انت أكيد زعلان
قالها : أنا مش زعلان منك , هتعرفي اكتر مني ?
قالتله : مستحيل تكون مش زعلان و لو حتى زعل بسيط , انت اكيد زعلان و مخبي
قالها : بصي ماهو لو أنا زعلان فعلا يبقى الاسف مش هيفرق في حاجة , و لو أنا مش زعلان زي ما بقولك يبقى الاسف الكتير ده بيستفزني
قالتله : آسفة مش قصدي أستفزك و الله
قالها : طب أنا مش هسيبك إلا لما تبطلي تقوليها و يبقى آخر كلمة منك أي حاجة غير آسفة دي
قالتله : خلاص متزعلش
قالها : و لا حتى دي
قالتله : طب انت عايز ايه ?
قالها : أي كلمة تانية
قالتله : خلاص سلام
ابتسم ابتسامة انتصار
و قالها : سلام
سابتله ورقة في إيده
و قالتله : كانت معايا من زمان و عايزاك تقراها بس متفتحهاش إلا لما امشي خالص
قالها : ليه ?
قالتله : هو كده و خلاص
قالها : حاضر
قالتله : وعد ?
قالها : وعد
ابتسمت و مشيت
فتح الورقة لقى مكتوب فيها :::
آســــفــــة !!!!!!!!!!!!!!!!!
ابتسم قلبه و قال بصوت رقيق : مسامحك !!!!!! =)
___________________________
مـن وحـــي خيــالــي :)
٢ ديسمبر ٢٠١١
قالها : مبزعلش
قالتله : بس أنا خذلتك بجد آسفة
قالها : بس أنا مش بزعل منك
قالتله : بس أنا جرحتك من غير ما اقصد و غصب عني , بجد آسفة
قالها : الجرح منك خفيف على قلبي
قالتله : يا سلام !!!
قالها : آه و الله و بقولك مش زعلان
قالتله : أنا برضه آسفة
قالها : متخافيش أنا مش زعلان
قالتله : آسفة و كل مرة هشوفك هقولك آسفة
قالها : انتي حرة بس أنا مش زعلان
قالتله : آسفة
قالها : بطلي تتأسفي
قالتله : آسفة و الله آسفة و مش عارفة اعمل ايه علشان اعبر عن أسفي
قالها : ممكن تبطلي ?
قالتله : حاضر , ممكن تسامحني ?
قالها : و بعدين ???
قالتله : حاضر
قالها : أخيرااااااا !!!
قالتله : بس أنا مش عارفة إزاي مقولكش آسفة
قالها : سهلة , تصدقي اني مش زعلان
قالتله : مش قادرة
قالها : انتي عنيدة قوي
قالتله : آسفة
قالها : و الله مش زعلان مش زعلااااان
قالتله : حتى لو انت مش زعلان أنا هفضل حاسة اني آسفة
قالها : حرام عليكي كفاية
قالتله : آسفة
قالها : حاولي تاني
قالتله : حاضر
قالها : حاولي بجد
قالتله : حاضر و الله
قالها : طب الحمد لله يعني أطمن ?
قالتله : مش عارفة
قالها : يعني ايه ??
قالتله : علشان أنا لسه حاساها
قالها : يبقى محاولتيش
قالتله : بجد آسفة أرجوك تسامحني
قالها : مسامحك يا ستي كفاية أسف بقى
قالتله : بجد بجد بجد آسفة
قالها : انتي دماغك جزمة قديمة
قالتله : كده ?!!!
قالها : متزعليش بس انتي مش راضية تسمعي كلامي و بحاول معاكي بأي طريقة يمكن تنفع أعملك ايه ?!
قالتله : متعملش حاجة مفيش حل و هفضل آسفة
قالها : آآآآه ياني من البنات
قالتله : عايزة أقولك حاجة و امشي ممكن ?
قالها : اتفضلي
قالتله : آسفة !
قالها : يعني مفيش فايدة ?
قالتله : مفيش فايدة أنا لسه آسفة
قالها : تعرفي انك صدعتيني ?
قالتله : آسفة علشان صدعتك
قالها : طب انتي ليه بتعملي كده
قالتله : انت اللي ليه مش راضي تفهم اني بجد حاسة بأسفي ?
قالها : و افهم ليه و أنا اصلا مش زعلان
قالتله : ما انت أكيد مش زعلان علشان مش فاهم أنا بتأسف ليه
قالها : لا فاهم يا ستي و الله
قالتله : و برضه مش زعلان ?
قالها : لو عايزاني ازعل , هزعل علشانك
قالتله : لا أكيد مش عايزاك تزعل بس أنا مش قادرة اصدق انك مش زعلان و حاسة انك مش واخد بالك من غلطتي علشان كده مش زعلان دلوقتي و هتيجي قدام تزعل بعد كده
قالها : أنا فاهم كل حاجة أنا مش غبي
قالتله : يبقى اكيد في حاجة غلط
قالها : يعني لو قلتلك زعلان يبقى كده كل حاجة هتبقى تمام ?
قالتله : مش عارفة و الله أنا مبقتش عارفة أنا عايزة ايه
قالها : و أنا على عكسك عارف اني مش زعلان
قالتله : أنا عمري ما هسامح نفسي بجد آسفة
قالها : يا ستي انا مسامحك و هو المفروض مين فينا اللي زعلان ?
قالتله : انت !
قالها : يعني مين اللي المفروض يسامحك ?
قالتله : انت !
قالها : يعني مش انتي اللي بتسامحي نفسك , أنا مسامحك و مسامح نفسك , خلاص كده خالصين ?
قالتله : بس انت أكيد زعلان
قالها : أنا مش زعلان منك , هتعرفي اكتر مني ?
قالتله : مستحيل تكون مش زعلان و لو حتى زعل بسيط , انت اكيد زعلان و مخبي
قالها : بصي ماهو لو أنا زعلان فعلا يبقى الاسف مش هيفرق في حاجة , و لو أنا مش زعلان زي ما بقولك يبقى الاسف الكتير ده بيستفزني
قالتله : آسفة مش قصدي أستفزك و الله
قالها : طب أنا مش هسيبك إلا لما تبطلي تقوليها و يبقى آخر كلمة منك أي حاجة غير آسفة دي
قالتله : خلاص متزعلش
قالها : و لا حتى دي
قالتله : طب انت عايز ايه ?
قالها : أي كلمة تانية
قالتله : خلاص سلام
ابتسم ابتسامة انتصار
و قالها : سلام
سابتله ورقة في إيده
و قالتله : كانت معايا من زمان و عايزاك تقراها بس متفتحهاش إلا لما امشي خالص
قالها : ليه ?
قالتله : هو كده و خلاص
قالها : حاضر
قالتله : وعد ?
قالها : وعد
ابتسمت و مشيت
فتح الورقة لقى مكتوب فيها :::
آســــفــــة !!!!!!!!!!!!!!!!!
ابتسم قلبه و قال بصوت رقيق : مسامحك !!!!!! =)
___________________________
مـن وحـــي خيــالــي :)
٢ ديسمبر ٢٠١١
هناك 11 تعليقًا:
مش عارفه ليه عجبتني قووووووي
يمكن عشان الجمله دي
"حاسة انك مش واخد بالك من غلطتي علشان كده مش زعلان دلوقتي و هتيجي قدام تزعل بعد كده "
عارفه أنا برضه بقول انا اسفه بس لما محدش بياخد باله من غلطتي :)
@فراشة :)
أسعدتيني بجد :)
انا كنت خايفة تكون مش حلوة او فكرتها متعجبش حد
علشان انا حاساها قوي بس ممكن حد يقراها ميحسهاش
شكرا قوي
يا رب تكون المعاني المقصودة من وراها وصلتلك :)
@فراشة
طب صحيح لو واخدين بالهم هتعملي ايه ? :)
هههههههههههههههههه تحفة يا خوخة
لذيذة كدة ولطيفة كمان
عاوزة حكايات من دي كتييييييييييير
لما بيكونوا واخدين بالهم
اممممممم
مش بقول أسفه ع فكره
بس بعمل حاجه تبينلهم اني اسفه
بخلي افعالي هي اللي تقول بدالي :)
@ اسووو
هههههههههههههههه فرحتيني و الله
مكنتش متخيلة انها هتعجبكوا قوي كده بجد انا مبسوطة :))))
في قصتين تانيين جايين في السكة بس يا رب يعجبوكوا برضه :)
@ فراشتي
اها فهمت قصدك :)
اللي بتعمليه ده احلى على فكرة
لان في ناس بتحس ان مجرد الاسف مش كفاية و لازم يحسوا ان اللي قدامهم ده حاسس بأسفه فعلا و ده بيكون عن طريق الافعال مش مجرد كلام !
تحفة بجد
كلماتك جميلة واحلى ما فيها انك حساها
:)
@بنت مهيسة
ربنا يكرمك بجد :)
مبسوطة انها عجبتك
فعلا انا حاساها قوي ^_^
البلوج منور بيكي =)
ههههههههههه
جميلة قوي يا خديجة
أنا حاسة إن معناها إنه مسمحهاش بجد غير ف اللحظة اللي بعد ما فتح الورقة
ساعات كتير فعلا الناس بتقبل أسفنا بس إحنا مش بنقبل قبولهم لأننا مشض بنحسه من العمق الكافي
أميرة عادل
@ أميرة
ميراااااا نورتيني للمرة التانية :)
ههههههههههههههههه
هي فعلا ممكن توحي بكدة و لناس تانية بتوحي بانه مسامحها و مصمم على كده و لما قرأ الرسالة برضه مصمم :)
أحلى حاجة ان كل واحد يفهمها بطريقته ^_^
و من ناحية العمق معاكي حق فعلا
لاننا كمان بنكون حاسين بقد ايه حجم الغلطة اللي احنا عملناها فمش بنصدق بسهولة مسامحتهم لينا :(
إرسال تعليق