جــدو (٢) !!!

النهاردة أول يوم عـيـد
و تاني عـيـد جــدو سراج مش هييجي يزورنا فيه الصبح زي كل مرة
=' (

 اول عيد من غيره كان العيد الكبير السنة اللي فاتت
و دلوقتي العيد الصغير مش هشوفه فيه
ربنا يرحمه و ينور قبره يا رب !!!

يمكن يخطر سؤال عالبال ...
هو كل عيد هتكتبي ان ده تالت ثم رابع ثم خامس عيد و هكذا ?
كل عيد هتفكرينا ان جدو مش معانا ? :(

معرفش ... بجد معرفش ، انا فعلا طعم العيد عندي كان بيبدأ برؤية جدو :)
كان اول واحد نشوفه الصبح
و معاه حد من خيلاني
بس هو كان لازم حاجة اساسية و كان لازم بشوفه اول يوم عيد
فصعب ييجي عليا عيد من غير ما افتكره 
لان العيد عندي .. كان جزء منه معناه جدو و الجزء التاني باقيت الناس و الحاجات

كل سنة و انت طيب
يا رب تكون دلوقتي في روضة من رياض الجنة يا جدو
و حاسس بينا من فوق و انت سعيد و راضي و مبسوط
و بتقولنا اطمنوا عليا انا بخير و الله

ربنا يرحمك
يا رب !!!

جــدو !!!

النهاردة أول يوم عـيـد
أول عـيـد جــدو سراج مش هييجي يزورنا فيه الصبح زي كل مرة
:" (

صحيح في العيد الصغير اللي فات احنا اللي روحنا زورناه علشان كان تعبان
بس أنا متعودة عليه كل عـيـد يجيلنا أول يوم يزورنا الصبح
كان أول واحد بـيـعـيــّـد عـلـيـنـا فـي العـيـلـة !!!

حـقـيـقـي وحـشـنـي قـــــوي :" (

يــوم الجـمـعـة
16-9-2011
18 شوال 1432
الساعة 04:45 مساءا
توفي جدو سراج إلى رحمة الله

:' (

اللهم أسكنه فسيح جناتك و اجعل قبره روضة من رياض الجنة
و نوّر قبره برحمتك إلى يوم الدين و كن معه عند السؤال
و ارزقه مرورا كالبرق على الصراط المستقيم
و ارحمه و اغفر له
اغفر له بكل دمعة ذرفها عليه أحباءه
بكل تقصير قصرناه في حقه
اغفر له بكل فعل خير عمله
بكل بسمة تبسمها في وجه أخ ٍ له
ارحمه و ارحم ضعفه و لا تحمـّـله ما لا طاقة له به

اللهم انك عـفـو تحب العـفـو فاعـف عـنه
اللهم انك تحب الرحمة بعبادك فارحمه
اللهم انك كريم تحب الجود و العطاء
فارزقه الجنة مع الصديقين و الشهداء و الصالحين
ارزقه الراحة التي يرجوها كل مؤمن
ارزقه النظر الى وجهك الكريم في الجنة
ارزقه حبك يا عظيم !!!



آمييييييييييييييييين

قـولـوا آمــيــــن : )

مبروك يا لـيـبـيـا !!!

امبارح
يوم 20 أكتوبر 2011
عالساعة 3 و نص كده

كنت قاعدة في أمان الله
لاقيت "المصري اليوم" باعتينلي عالموبايل
بـخبـر مـقـتل القذافي !!!

بصراحة انا مصدقتش و قلت ده اكيد خبر كاذب
ممكن يكونوا لسه مش متأكدين
زي الخبر اللي جالي قبل كده ان "علي عبدالله صالح" قرر يتنازل عن منصبه
و في الاخر طلع بيهزر هههههههههه لا و بيتشرّط كمان
ما علينا المهم
ساعتها مصدقـتـش
و أول تعليق كتبته عالفيس كان

"القذافي مات فعلا ؟؟؟؟؟ و لا هيطلعلنا من تحت الارض يقول : زنجة زنجة ؟؟؟"

و كنت مستنية بشوق و نفسي حد يرد عليا يقولي : "لا هو مات فعلا"
بس الحقيقة محدش رد عليا ^_^ و مأخدتش غير لايك واحدة بس ساعتها
بعدها فتحت التلفزيون لاقيت كل قنوات الأخبار جايبين الخبر
قلت لا بقى ده اكيد صح و بعدها جابوا صورته و هو مقتول

بس بأمانة ^_^ ساعتها جه على بالي تخيل غريب و مضحك قوي
و قلت ممكن يكون القذافي مماتش و لا حاجة و انه عامل حاجة كده زي فيلم
face off
أو فيلم
mission impossible
و ان اللي مات ده واحد تاني لابس وش القذافي و ان القذافي دلوقتي مستخبي تحت قناع لشخص تاني
هههههههههههههههه
هي الفكرة مجنونة بس مش جديدة
و الراجل كده كده ما شاء الله كان مجنون و عايش حياته و مفيش حاجة معملهاش
قلت جات على دي و تفوته ؟
أكيد مفاتهوش يعمل كده
ههههههههههههههه
بس طبعا رجعت بعد شوية سرحان كده لأرض الواقع علشان أشارك الليبيين فرحتهم بالنصر
بجد كنت فرحانة قوي قوي كإن مصر اتحررت تاني
الحــمــد لله !!!!!!
بجد صبروا كتير و اتعذبوا كتير و جاهدوا كتير و استشهد منهم كتيييييير لحد ما وصلوا و ربنا نصرهم
و حسيت قد إيه ربنا مش بيضيع حق حد و مش بيسيب ظالم إلا لما ياخد جزاته
و لو بعد حين !!!!!

شكلهم و هما بيحتفلوا بالأعلام كان جميل قوي و مذهل
كان نفسي أقف في البلكونة أصرخ بصوت عالي و اقولهم إن مصر هنا فرحانة بيهم قوي
و إننا بنحتفل معاهم بقلوبنا
حتى لو منزلناش الشارع
و ان النهاردة يومهم , النهاردة عيدهم , النهاردة أهم لحظة في حياتهم كلها
أهم لحظة في تاريخهم اللي هيحكوه لولادهم


الحـــمـــد لله
مـــبـروك يا لـيـبـيا
:) :) :)

وداعا ً أنيس منصور!!!

توفــّي اليوم
21 أكتوبر 2011
الكــاتــب الكبــيـر
"أنـــيــس مــــنـصـور"


بالرغم من أنني تعلقي بكتاباته لما يصل لدرجة كبيرة
نتيجة لانشغالي بكتابات أخرى في اتجاهات أخرى
و بدراسة جامعية لم أنتهي منها بعد
إلا أنني حزنت كثيرا عندما علمت أنه قد تركنا
و ما تبقى لنا منه هو كتاباته التي ستظل تذكرنا به بقية حياتنا
و ستظل تلهم غيرنا ممن سيأتون بعدنا
كما ألهمتنا الكثير
قد لا تتوافق كتاباته مع عقولنا جميعا
و قد يختلف معه الناس في بعض ما يكتب
و لكن سيظل في أعيننا كاتب و أديب أضاف لتاريخ مصر
ما لا يستهان به من أدب و ثقافة
و قد اتخذت قرارا بأني سأحاول جاهدة ً أن أقرأ كل ما كتبه
و لو بعد حين ان شاء الله
فــ كوني لم أجد الفرصة أن أقرأ كثيرا من كتاباته و هو بيننا
لن يمنعني ذلك من قراءة كل ما كتب بعدما تركنا
حتى أتذكره به

وداعـــا ً أنــيـس مـــــنـصـور
:"(

أنيس منصور
18 أغسطس 1924 _ 21 أكتوبر 2011

ذهب إلى رحمة الله !!!

لم أتخيل في حياتي أنه قد يموت شخص لا أعرفه و لم أتحدث معه نهائيا و علاقتي الوحيدة به أنني رأيته مرة أو مرتين عن بعد, و لكن عندما يموت يملأ قلبي بهذا القدر من الحزن.

و المؤلم أكثر عندما تجد أن قيمته عند بعضهم معدومة و أنهم كتبرير لأخطائهم و للتهرب من المسئولية يطلقون عليه أغرب و أبشع الإشاعات المتخلفة في محاولة لمحو هذا القدر من التعاطف و الحزن عليه من قبل أناس كثيرين.

أ لهذه الدرجة لم تكن حياته تساوي عندكم شيء ؟ أم أنكم ماتت قلوبكم جميعا ؟ أم أن شعوركم بالذنب يقتلكم لدرجة التهرب من المسئولية ؟

رحمك الله يا د.أحمد عبد المعطي , معيد بقسم السيوتيكال (الكيمياء الصيدلية) كلية الصيدلة جامعة الإسكندرية.

أنت لا تقل شيئا عن شهداء الثورة و عن مروة الشربيني و خالد سعيد و كل من ضحى بروحه من اجل أن يعيش غيره حياة كريمة و لن تذهب روحك هباء و حياتك هي ثمن غالي دفعته من اجل التغيير الحقيقي في كلية الصيدلة.

و لن ننساك ما دمنا أحياء

رحمك الله من الدنيا و سيرحمك في الآخرة برحمته إن شاء الله!!!