- احساس فظيع لما تكون بتتناقش مع حد علشان تقنعه بحاجة و انت عارف من جوة انك مش هتطلع من النقاش ده بحاجة , لان ببساطة الشخص ده كرامته متسمحلوش انه يسيبك تنتصر عليه و تقنعه و تخليه يوافق على كلامك , حتى لو هو فعلا مقتنع من جوه , مستحيل يبيـّن لك , احساس فظيع !!!
- احساس فظيع لما يكون اللي قدامك بيجرحك او بيدايقك او بيخنقك او بيزعلك و كمان مش من حقك تزعل ! إزاي ؟!!
إزاي يدايقك و عارف كويس انك هتتدايق و يبقى شايف ان مش من حقك تزعل او تعترض على معاملته و طريقته و كلامه , احساس فظيع !!!
- احساس فظيع لما تكون حاسس انك عايش على كف عفريت !!!
عارف يعني ايه تصحى من النوم مش عارف اليوم النهاردة هيكون جميل و لا لأ , حامل همّ اليوم ؟؟ مش عارف اذا كنت هتصحى على نكد و لا على يوم لطيف , عارف يعني ايه أحداث حواليك في كل حتة ؟, مش بتسمحلك تخرج من الاكتئاب و كل ما تيجي تخرج منه تفتكره تاني ؟
في زميل ليا (انا بعتبره بصراحة عبقري في كذا حاجة ما شاء الله) قال سبب للاكتئاب أنا مقتنعة بيه و هو التفكير زيادة عن اللزوم و ده فعلا صح , انا عندي اقتراح , يا نقطع كــف العفريت , يا نقتل العفريت ذات نفسه , يا نديله حاجة يلعب بيها و نسهيه عننا
- احساس فظيع لما تكون حاسس بحاجة و مش عارف توصلها للناس اللي حواليك , مش عارف تعبـّر عنها , مش عارف تطلعها من جوّاك , مش عارف ترتبها , بتبقى حاسس انك محبوس جوة علبة صغيرة على قدك بالظبط و غرقان في ظلام ظلام ظلام , احساس فظيع !!!
هناك 6 تعليقات:
احساس فظيع لما تكون حاسس بحاجة و مش عارف توصلها للناس اللي حواليك , مش عارف تعبـّر عنها , مش عارف تطلعها من جوّاك , مش عارف ترتبها , بتبقى حاسس انك محبوس جوة علبة صغيرة على قدك بالظبط و غرقان في ظلام ظلام ظلام , احساس فظيع !!!
وده هوا الانفجار الداخلي اللي مبيطلعش ضوء وحرارة الا داخل عقل وصدر الانسان
أوصاف كتيرة بتخلي الواحد يكون علي آخره في معاملات الناس .. بس الواحد مقدامهوش غير انه يصبر ويحتسب لو مكنش في ايده أو يواجه او يبعد عن الموضوع ده لو كان في ايده تغيير اللي قدامه
وساعات كتيرة في الاخر الواحد بيلاقي نفسه كلف نفسه اكتر من وسعها .. فساعتها الموضوع مبقاش له لزوم وعلي قد التعامل وكفي
الانفجار الداخلي ده شيء في غاية الصعوبة
علشان كده مفيش أجمل من الفضفضة
كلامك سليم 100%
"وساعات كتيرة في الاخر الواحد بيلاقي نفسه كلف نفسه اكتر من وسعها .. فساعتها الموضوع مبقاش له لزوم وعلي قد التعامل وكفي"
فعلا بعد كده بيتجنبه
وساعات الواحد بيوصل كمان لأقصى درجة من التحمل تخليه ينفجر
و الانفجار ده بيقلق الشخص اللي قدامه و يكتشف انه كده الموضوع وصل لدرجة خطيرة و انه لازم يبطل اللي بيعمله ده
و بعد قليل نعود لسابق عهدنا
:(
first, I apologize for not typing in arabic .
you know the verse of quran that says : "w ma tadry nafson matha taksebo '3adan w ma tadry nafson b ay arden tamoot"
msh 3arfa leih ennas 7asaret "takseb" dy bs fy l floos, l kasb da ay 7aga f youm kl wa7d feena...
fekret eddonya dy aslan en e7na neb2a 3ysheen 3la "kaf 3adreet" bs howwa l mafrood ma yeb2ash "kaf 3afreet" el mafrood enno yeb2a zy mannas l 2adeema kanet b t2ool " 3la feid el kareem "
bgd ana ba7ess en mafeesh ay 7aga feddonya dy ma2moona wala l se7a wala l mal wala ay 7aga....
wala 7atta en youmk ykoon gameel w zy manty 3yza...
e7na bs elli b na'7od ne3m kteer mosallamam beeha...
w mmkn nes7a bkra essob7 mathalan nela2y thiland e7talt usa...
ra2y ennek tes7y kl youm essob7 ted3y rabbena enno yerzo2ek b youm gameel enty w kl ennas elli b te7ebbeeha... w brdo m ta'7deehoosh mossallam beeh!!!!
mabrook 3la l blog :) w lawennaha met2a'7ara
keep it up
سارة
انا سعيدة قوي قوي بدخولك و الله
البلوج نور يا سوسو
:))))
بالنسبة للعربي فعادي انا عارفة السبب
^__*
صح و الله معاكي حق في كل كلامك
كلامك فكرني بحاجة مهمة اننا بيكون عندنا نعم كتيرة و مش واخدين بالنا منها و بننساها لاننا اتعودنا عليها و نسينا انها في الأصل نعم و انها كان ممكن متكونش موجود بين ايدينا
و فعلا مفيش حاجة مضمونة خالص :)
أنا هعمل بنصيحتك و يا رب دايما يديم علينا كلنا السعادة و الرضا دايما يا رب
thanx ya soso allah yebarek feky ... it's not late wala 7aga zy ma enty shayfa el blog fadya lessa
:D :D
Problem is ---> Over Thinking
Rx is---> Act and live by simple way !
: )
@ ايمان
و الله عندك حق يا ايمي
بس هي المشكلة اني مش بقدر أبطل تفكير
بحس ان التفكير ده بيطلّع مني حاجات كتير حلوة زي ما بيعمل مع كل الناس
بغض النظر ان له أضرار سلبية طبعا
يمكن الحل اني أفكر في الحاجات الايجابية بس ؟
زي التفكير في حكمة ربنا من حاجات كتير و حلول لقضايا و كده يعني
ربنا يهدي عقولنا جميعا للتفكير فيما هو مهم فقط !
:)
إرسال تعليق