متزعلش من كلامي بس دي الحقيقة المؤلمة , و مش معنى كده انها موجودة فيك طول الوقت بس أثناء اللحظة و الموقف في ساعتها بتكون فعلا مسيطرة عليك
هي ايه ؟
أقولك
1- لما حد يقول أنا المحور أنا الأساس و دايما كل اللي يهمه هو نفسه و بس, يبقى ده الغرور و جنون العظمة
2- لما حد يتلكك على كل حاجة و هو عارف انه بيتلكك , يبقى ده الغباء
3- لما حد يتنرفز و يصرخ و يزعق أثناء المناقشة , يبقى موقفه ضعيف و خدوهم بالصوت
4- لما حد يقول أنا دايما صاحب القرار و القرار ده بتاعي لوحدي , يبقى ده الخيال
5- لما حد يكون مقتنع من جواه بكلام اللي قدامه بس مش عايز يبيـّن و مش عايز يعترف , يبقى ده العند و تنشيف الدماغ
6- لما حد يزعّل حد و يجرحه و يدايقه و يبقى كمان مش عايزه يبيـّن و شايف ان مش من حقه يزعل او يعترض , يبقى دي الأنانية
7- لما حد يحشر دماغه في كل حاجة , يبقى ده الجنون , و محدش بعد كده هيحب يقوله حاجة و الفاضي يعمل قاضي
واجه نفسك و غيـّر طبيعتك لو كنت واحد من دول
أرجوك تسمعني و تفهم كلامي علشان متتسببش في الجرح لناس كتير
و سلام عليكم
هناك 6 تعليقات:
5- لما حد يكون مقتنع من جواه بكلام اللي قدامه بس مش عايز يبيـّن و مش عايز يعترف , يبقى ده العند و تنشيف الدماغ
6- لما حد يزعّل حد و يجرحه و يدايقه و يبقى كمان مش عايزه يبيـّن و شايف ان مش من حقه يزعل او يعترض , يبقى دي الأنانية
مظبوط مليون ال100
ربنا يهدينا جميعاً للي فيه الخير والصواب
يا رب آمييييين
شكرا جزيلا
:)
لما حد يزعّل حد و يجرحه و يدايقه و يبقى كمان مش عايزه يبيـّن و شايف ان مش من حقه يزعل او يعترض , يبقى دي الأنانية
كلامك كله مضبوط .. بس ده بالذات لفتت نظرى ..جداااااا
المشكلة لما حد يزعلك و يتسأل انتى زعلانة ليه ؟ و مش متخيل انه ممكن يكون هو اللى زعلك ..
عدم مراعاه شعور الآخرين و فى نفس الوقت يبقى زعلان من حاجات تانية انتى ما تعرفيهاش وممكن تكون فى غاية الهيافة و اللى زعلك فيه تكون حاجة تزعل بجد !
هى مش انانية بس !
حب النفس ممكن نقول معجب بنفسة يمكن !
كنت افضل الكلام اللى فوق يبقى ممكن يتعلق علية عشان ما تتخيليش اد ايه متوافق معايا انا تقريباً قلتلك فى التليفون (الكلام بتاعة مقدمة المدونة) :))
أحبك فى الله يا احلى اخت :)
@ أليكساندرا
( أختي الكبيرة و حبيبتي ^__* )
أولا بجد بجد المدونة نورت بيكي فعلا
كان نفسي من زمان تزوريني و آسفة للتأخير في الرد
فعلا معاكي حق في كلامك كله, انا علشان كده بخاف جدا جدا من غير ما أحس ألاقي نفسي مكان الشخص ده (الأناني)
لان ساعات ممكن الواحد تطلع منه تصرفات سواء مباشرة او غير مباشرة , في لحظة او على المدى البعيد و على فترات من الزمن , و التصرفات دي تجرح حد و ممكن يكون هو ميقصدش لانها جات نتيجة اهمال منه
تخيلي اني أي حاجة بتحصل حتى لو تافهة بروح أتأكد من الشخص ده ان مفيش حاجة دايقته ؟ ’ لاني مقدرش أستحمل حد يشيل مني و انا معرفش و مش مدركة لكدة خالص
و خصوصا ان الناس مش هتقدر اني مكنتش اعرف
علشان كده لازم كلنا نخاف نبقى كده
انا فاكرة مكالمة التليفون ^__^
و هحاول أخليه يكون عليه تعليق بس مش عارفة ازاي لسه علشان دي مكنتش بوست
أحبكِ اللذي أحببتني فيه
بحبك قوي و يا ريت تيجي تشـَقـّري عليا كل فترة كدة
:)
- لما حد يزعّل حد و يجرحه و يدايقه و يبقى كمان مش عايزه يبيـّن و شايف ان مش من حقه يزعل او يعترض , يبقى دي
الأنانية
♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫- لما حد يقول أنا المحور أنا الأساس و دايما كل اللي يهمه هو نفسه و بس, يبقى ده الغرور
♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫ربنا يهدينا جميعاً
آميييييين يا رب
شكرار لمرورك
نورتي المدونة :)
إرسال تعليق