إنه في ذلك اليوم ^_^ ..
الأحد .. الموافق 7_4_2013 ..
انتهيت رسميا من حفظ و تسميع سورة البقرة ..
الحمد لله الذي تتم بنعمته الصالحات !!! =) =) =)
انا سعيدة جدا جدا جدا .. يمكن لسه مش حافظاها بالإتقان اللي أنا بتمناه و بحلم بيه .. و هو إني مغلطش أو اتردد في ولا حرف .. و إني أكون عارفة كل آية سبب نزولها إيه .. و كمية من التدبر و التفكير في معانيها اللي ناوية بإذن الله أعملهم .. إنها فقط البداية .. و البقية تأتي =)
هذه السورة العظيمة .. كان لي معها عديد من المحاولات .. و كنت كل مرة ايأس و اقف بعد أول ربع حزب .. لأي سبب متعلق بوقت أو ظروف .. و كنت عزمت و عقدت النية في رمضان 2012 اني أحفظ منها اللي اقدر عليه خلال الشهر بدلا من ختم القرآن .. و لكن الإنجاز الحقيقي .. بدأ بعد رمضان بفترة .. الحمد لله =)
أتمنى ربنا يتقبل مني ما حفظت و يرزقني الأخذ و العمل بما فيه و يمدني بالعزيمة و القوة و العلم و الهدى .. لحد ما أكمل سورة آل عمران .. و أحتفل بحفظها :)
احساس لا يوصف !!! ^_^
و البقية تأتي .. بإذن الله .. ذلك من فضل ربــ♥ـــي !!! =)
هناك 4 تعليقات:
Congratulationssss
^_^
ماشاء الله :) عقبال آل عمران باذن الله بعدها دايركت :)
انتم السابقون ونحن باذن الله اللاحقون ^&^
واستعيني بالتوازي بقراءة تفسير الشعراوي الممتع:
http://www.mediafire.com/?467i587ca5nb882
http://hotfile.com/dl/62226157/46c3262/tfser-alsharawy-khwatr-fde-alsh-1-ar_ptiff.pdf.html
والنسخة الهارد كوبي من مكتبة الجمهورية في اول شارع النبي دانيال ^_^
Go On
:-)
شكراااااا قوي قوي ^_^
عقبالك يا رب =)
بدأت فعلا في "آل عمران" و حفظت فيها 4 صفحات :D :D
بيني و بينك اللي بيخليك تداوم عالحفظ و تتقدم فيه بشكل منتظم .. ان في متابع حازم يشجعك .. و البنت اللي بتسمعلي أصغر مني بسنتين و ما شاء الله عليها حافظة القرآن كله .. و بتمنى ابقى زيها في يوم من الأيام :)
جزاك الله كل خير .. هنزّل التفسير و غالبا كمان هروح اشتريه لاني كنت فعلا لسه بتسائل ممكن فين ألاقي تفسير يفيدني و أثق فيه :)
شكرا قوي
و دعواتك بالاستمرار :)
مبروووووك يا خوووووووووخة ألف مبررررررروك
أنا حافظت البقرة وآل عمران في 3أجازات صيف بس
وبقالي دلوقتي حوالي 4 سنين مش عارفة اخلص النساء :((
ان شاء الله ارجع اكمل تاني .. خلاص هانت كلها شهرين وافضى للأبد
الله يبارك فيكي يا اسوووووووو ^_^
ما شاء الله عليكي .. طب ده انتي كده لازم تكملي .. من رأيي ان اللي يقدر يحفظ سورة البقرة يبقى يقدر يحفظ أي سورة تانية :)
هو بس تلاقي وقت و لازم تكملي باذن الله :)
خلصي امتحاناتك و انا هفضل وراكي ^_^
إرسال تعليق