" لو دنيا من غير رب "
بقلم : خديجة غتوري
---------------------------
يااااه يا رب .....
لو دنيا من غير رب ؟
الشيطان :
كانت تبقى حياتنا سعيدة
و كمان من نوعها فريدة
و مش صعبة و لا شديدة
و كل يوم حاجة جديدة
و محدش هيبقى عالحديدة
اللي عايز يسرق يقدر
و البقاء يكون للأشطر
مبقاش فيها خط أحمر
أي إشارة لونها أخضر
كله يمشي في الممنوع
و مفيش قوانين و لا جوع
كفاية ذل كفاية خضوع
و مفيش نقطة رجوع
خلينا نرقص عالشموع
و بلاش ندم و دموع
لا تقولي اتقي الله
و لا صيام و لا صلاة
و لا تقولي صدقة و زكاة
يعني أأكلك و اجوع ؟؟
................................
المؤمن :
الدنيا هتبقى فيها ديابة
و مين هيجيب حق الغلابة
و الحياة مليانة كآبة
و هنبقى عايشين ..
في غابة !!!
لو كل واحد بقى حر نفسه
متقولش هنعيش زي الفل
ده كله هيلطش في الكل
و هتفهم بجد معنى الذل
..............................
الشيطان :
يعني انت قصدك انهم
واخدين كامل حقهم ؟
و محدش هيقربلهم ؟
و لا حد قادر يضرهم ؟
و كل ده فـ وجود ربهم ؟
يا عم ده الناس مذلولة
يمكن ايديهم مشلولة ؟
متقولش مشاكل محلولة
و لا حياتنا كده مقبولة
انت أكيد بتهزّر
و لا انت عقلك متأثر ؟
بقولك ايه امشي و كبّر
لو دنيا من غير رب
هي دي أجمل حياة !!!
...............................
المؤمن :
الناس دي صحيح شقيانة
لكن في قلوبها مليانة
صبر و شوق و انتظار
لجنة بنعمه غرقانة
و فـ حب ربك طمعانة
ربك قادر يحميهم
و فوق الكل يعليهم
لكن يعملوا اللي عليهم
علشان من نصره يديهم !!!
على حب مين هتكون ملهوف ؟
و مين هيساعدك عالظروف ؟
و هتحس دايما برعب و خوف
و قلبك من الضلوع مخطوف !!!
بص فوق شوف السحابة
شوف ف الجبل متانة و صلابة
تقدر تمشي و سط الضبابة ؟
هتقولي و ايه يعني الغرابة
شوف القمر وسط النجوم
و ازاي يلألأ بين الغيوم
و شوف الشمس فـ كل يوم
و ازاي شعاعها مالي الكون
قوي متتحملوش العيون
مين رافعهم مين صاينهم ؟
مين محافظ على كيانهم ؟
متتكلمش مين غير أدلة و هدف
أنا مش هخاف ..
من طريقتك في الهجوم
لو مش مصدق عالعموم
اللي قادر على كل دول
هو اللي يقدر عالهموم !!!
اخبط دماغك في الحيطة
و اعمل ألف هيصة و زيطة
و امشي دوّر في الخريطة
على ناس تكون ..
هبلة و عبيطة
تمشي و راك و تصدقك
و تموت في هواك و تعشقك
أنا مش هضيّع معاك وقتي
أنا ممكن اموت دلوقتي
تقدر تقف جمبي في ديقتي ؟
و لا انت يهمك مصلحتي ؟
مين اللي خلقك و خلقني ؟
لو دنيا من غير رب
ملهاش وجود الحياة !!!
٢٦_٢_٢٠١٠
كانت تبقى حياتنا سعيدة
و كمان من نوعها فريدة
و مش صعبة و لا شديدة
و كل يوم حاجة جديدة
و محدش هيبقى عالحديدة
اللي عايز يسرق يقدر
و البقاء يكون للأشطر
مبقاش فيها خط أحمر
أي إشارة لونها أخضر
كله يمشي في الممنوع
و مفيش قوانين و لا جوع
كفاية ذل كفاية خضوع
و مفيش نقطة رجوع
خلينا نرقص عالشموع
و بلاش ندم و دموع
لا تقولي اتقي الله
و لا صيام و لا صلاة
و لا تقولي صدقة و زكاة
يعني أأكلك و اجوع ؟؟
................................
المؤمن :
الدنيا هتبقى فيها ديابة
و مين هيجيب حق الغلابة
و الحياة مليانة كآبة
و هنبقى عايشين ..
في غابة !!!
لو كل واحد بقى حر نفسه
متقولش هنعيش زي الفل
ده كله هيلطش في الكل
و هتفهم بجد معنى الذل
..............................
الشيطان :
يعني انت قصدك انهم
واخدين كامل حقهم ؟
و محدش هيقربلهم ؟
و لا حد قادر يضرهم ؟
و كل ده فـ وجود ربهم ؟
يا عم ده الناس مذلولة
يمكن ايديهم مشلولة ؟
متقولش مشاكل محلولة
و لا حياتنا كده مقبولة
انت أكيد بتهزّر
و لا انت عقلك متأثر ؟
بقولك ايه امشي و كبّر
لو دنيا من غير رب
هي دي أجمل حياة !!!
...............................
المؤمن :
الناس دي صحيح شقيانة
لكن في قلوبها مليانة
صبر و شوق و انتظار
لجنة بنعمه غرقانة
و فـ حب ربك طمعانة
ربك قادر يحميهم
و فوق الكل يعليهم
لكن يعملوا اللي عليهم
علشان من نصره يديهم !!!
على حب مين هتكون ملهوف ؟
و مين هيساعدك عالظروف ؟
و هتحس دايما برعب و خوف
و قلبك من الضلوع مخطوف !!!
بص فوق شوف السحابة
شوف ف الجبل متانة و صلابة
تقدر تمشي و سط الضبابة ؟
هتقولي و ايه يعني الغرابة
شوف القمر وسط النجوم
و ازاي يلألأ بين الغيوم
و شوف الشمس فـ كل يوم
و ازاي شعاعها مالي الكون
قوي متتحملوش العيون
مين رافعهم مين صاينهم ؟
مين محافظ على كيانهم ؟
متتكلمش مين غير أدلة و هدف
أنا مش هخاف ..
من طريقتك في الهجوم
لو مش مصدق عالعموم
اللي قادر على كل دول
هو اللي يقدر عالهموم !!!
اخبط دماغك في الحيطة
و اعمل ألف هيصة و زيطة
و امشي دوّر في الخريطة
على ناس تكون ..
هبلة و عبيطة
تمشي و راك و تصدقك
و تموت في هواك و تعشقك
أنا مش هضيّع معاك وقتي
أنا ممكن اموت دلوقتي
تقدر تقف جمبي في ديقتي ؟
و لا انت يهمك مصلحتي ؟
مين اللي خلقك و خلقني ؟
لو دنيا من غير رب
ملهاش وجود الحياة !!!
٢٦_٢_٢٠١٠
ليست هناك تعليقات:
إرسال تعليق