رمضان السنادي
انا حاسة اني طالعة منه مختلفة
مش عارفة ليه !!!
مختلفة فعلا
معرفش للأحسن و لا للأسوأ
معرفش طريقة تفكيري اتغيرت ليه
رغم ان ده اكتر رمضان راح مني فيه تراويح كتير و منزلتش تهجد غير مرة واحدة
ده اكتر رمضان ملحقتش اختم فيه القرآن لان كان هدفي المرادي احفظ شوية من القرآن و كنت ناوية اخرج منه حافظة كمية معينة بس مخلصتهاش زي ما كنت اتمنى
بس في حاجة جوايا متغيرة
نفسي اعرف هي ايه بالظبط !!! مش قادرة احدد
يمكن بقيت اكثر هدوءا ، اكثراطمئنانا ?
و يمكن لأ
يمكن قررت اراجع تصرفاتي اكتر من الاول ?
يمكن قررت معملش حاجة اندم عليها في حياتي ?
يمكن قررت اراعي الناس في تصرفاتي و اعمل الصح بغض النظر عن اي حاجة
و يمكن كل ده من خيالي و انا بكتب دلوقتي
و مش ده اللي اتغير فيا
ممكن اكون مبقتش تفرق معايا حاجة في الدنيا
ممكن احلم و اتمنى و افرح و اتوجع و اعيط و ابكي
لكن في الاخر لو هديت هلاقي ان كل ده مش مهم
و ممكن اللي اتغير فيا يكون اقل من كده و ممكن يكون اكتر من كده بكتير
ممكن اكون حصل تصالح بسيط مع نفسي و ممكن اكون زعلي من نفسي زاد
اعتقد ان الاحتمال التاني راجح اكتر
و ممكن ولا حاجة في الاتنين
ممكن اكون بقيت عاقلة اكتر و ممكن العكس
يمكن كان في حاجات هعملها قررت معملهاش و في حاجات مكنتش هعملها قررت اعملها
ممكن يكون حصل تغيير كبير قوي هحسه الفترة اللي جاية و يمكن يكون حاجة بسيطة قوي
اتغيرت معرفش ازاي و ليه و معرفش اتغيرت لايه !!!
بس متأكدة اني اتغيرت !!!
علشان كده قررت اكتب العنوان المرادي بشكل مختلف عن كل العناوين :)
ليست هناك تعليقات:
إرسال تعليق