ساعات ناس من اللي حواليك
بيقولولك انهم شافوا جواك ...
نور و روح حلوة
انت يمكن مخدتش بالك منها
لانك بتتصرف على طبيعتك
و ده بيكون أجمل من انك ...
تشوفها بنفسك او تحسها لوحدك
لانها ممكن كده تقلب حاجة تانية
كلنا عارفينها !
فـ انا بتمنى من ربنا قوي
ان النور اللي شوفته ...
في أي حد غيري
يفضل موجود !!!
و ان ربنا يحافظ عليه و يحميه ...
من العالم المظلم اللي بقينا عايشين فيه
لانه بجد لو راح ...
انا هتصدم جامد
وهفقد الامل في الحياة ...
و في الدنيا ...
لان النور اللي شوفته ده
هو اللي حسسني ان الدنيا لسه بخير
فلو راح أو كان من وحي خيالي
و تهيؤاتي الشخصية
هتصدم !!!!!
مش بس في الدنيا
لكن في نفسي كمان ...
و قد ايه هي طلعت ساذجة !!!
علشان كده لما حد بيقولي الكلمة دي
بخاف قوي ...
لا ده انا بترعب ...
خوفا من ان فـ يوم من الأيام
النور ده يروح ...
و أكون سبب في صدمة لحد
و تتكرر نفس القصة !!!
يمكن اللي بيقرأ الكلام ده
و فهم قصدي ...
هيفهم ان النور ده ممكن ...
يبقى اي حاجة في الدنيا
اي حاجة ليها معنى
زي رسالة هتعلمها لغيرك ...
او ابتسامة هترسمها ...
او اي حاجة ...
كبيرة كانت او بسيطة !!!
فلو حد قالك انك جواك نور
متستهونش بالكلمة دي =)
ليست هناك تعليقات:
إرسال تعليق