الـسـحـر!! =))

هل كلمة "بحبك".. ده تأثيرها
علشان أول مرة نسمعها
ولاّ هي كلمة سحرية؟

أو يمكن عشان هي..
من روحك انت واصلالي
و من قلبك انت جاية؟ =)

و فـ نظرة عينيك ليا
موسيقى في الخلفية..
بسمعها وانت بتبتسم..
و احس انك أجمل هدية!

و ليه ايدك لما بلمسها
بحس بـ دَفَا و حنيّة..
و زغزغة جوايا مش بتروح
حتى لما تسيب إيديا؟
بدوب معاها لكن بحاول..
قدامك أتماسِك و ابان قوية
و كإنها حاجة عادية!!

قلبي واقع في حبك..
و دايب من زمااان
و جوّاه سؤال بيدور..
عملت إيه بالظبط فيا؟!!

و هفضل كده؟!
كل ما احس حاجة أكتبها
و اخاف اقولهالك و انت..
باصصلي في عينيا؟! :-)))

♥

20_3_2017