الجندي المجهول !!!

في أغلب الأوقات يكون دور الجندي المجهول أعظم و أجمل بكثير من دور البطل

و أن تفعل الشيء و لا تنتظر الشكر و الثناء عليه

و أن يرى الله وحده صالح عملك

و تنتظر منه وحده الرضا و الحب!

و لا تنسى أن تشكره !

الحمدلله!

:) :)

قصيدة التأشيرة _ هشام الجخ !!!

قصيدة راااائعة , تحفة تحفة

لاااااااااااا توصف

بجد مش عارفة أقول ايه !!!

مش بزهق منها أبداااااااااااا

:))))

"تاريـخ جديـد" !!!

بقلم : خديـجة غـتـوري

---------------------

أخيرا جه وقتك يا مصر و اتكلمتي

بعد ما فات كتير صبرتي و اتألمتي

أخيرا حلمي هيتحقق

و أشوفك يا مصر اتقدمتي !

أخيرا هقدر أقولها و أنا متأكد

مش انتي اللي دراعك يتلوي !

وصفحات ماضيكي مش راح تنطوي

و عارفك مش هتسلمي

مش قبل ما نحاسب الغلطان

و نقبض عالجبان

و نجيب حقوق الغلابة

و نحميكي من بطش السلطان

و نرجعلك الأمان

لكن ... من كتر طيبة قلبك

بتعرفي معنى الغفران

و بتنسي ذنوب الغلطان

و ناس فيكي ...

ناس فيكي بعد تاني خطاب

نسيوا كمّ من العذاب

اللي كانوا دايقينه

و قالوا نعامله باحترام

كونه مصري ... زي أي انسان !

و ان خلاص الوقت هان

و قربنا ... و باقي شهور

بلاش نهمل الشرعية

و علشان نغيرالدستور

محتاجين خطوات كتير ...

يا جماعة الموضوع كبير !

و ناس فيكي ...

ناس فيكي مش ناسيين

و قالوا مش هنسامحه و مش عايزين

بقى لما أصرينا و اخترنا ...

و لينا حق الاختيار

و لما قلنا هات يا وقوف

و مش ماشيين .. و مش سايبين ميداننا

تقوموا ترمونا بالمولوتوف ؟!

ده حتى لو هنموت من الخوف

و لو لشهور الحال موقوف

مش هنسيب ميدان تحريرنا

صبرنا كـتـيـــر ..

صبرنا كتير على زمن فيه الكلام ممنوع

و جه وقتنا ... نقول كلام مسموع

و تتنفذ مطالبنا !

و خايفين نرجع بيوتنا .. نتمسك ..

نتشنق .. او نتساب نموت من الجوع

و ايه يضمنلنا ان وعودَك و كلامَـك

مفهاش مماطلة او رجوع!

-----------------------

أرجوكي ...

أرجوكي يا مصر سامحيني

سواء أنا كنت دول أو دول

فانا و الله ما عندي أجندة

لكن لما عملت كده

كان قصدي مصلحتك

و اجيب حقك !!!

أخيرا يا مصر

رحل الرئيس و ساب الكــُـل

بعد سنين من الذ ُل

و خد معاه كل الشـِلـّـة

و رمينا وراهم ميت قــُـلـّـة

لكن يا مصر ...

انا عارفك بطولك و بعرضك ..

مسامحة

و هتسمحيله يموت على أرضك

لانه مهما كان ابنك

و انتي دايما شـَـريف غرضــِـك

و دايما كان عفيف حـبـك

لكن هو اللي خانك .. و خان عهدك

و ساب رجـّـالته ينهشوا لحمك

و يسرقوا خيرك

و هو ....

و لا بيسمع و لا بيشوف

و لكن بيتكلم .. و يكدب على اهلك !

أخيرا....

اوعدك مش هتدوقي طعم المرار ...

.. من تاني

و بعد سنين من التكرار

هتشوفي يا مصر تاريخ جديد !

تاريخ فيه القرار ؟ ... قرار

و مفهوش لعب قمار ...

بأحلامك !!!

فيه استقرار .. و حرية

و آخد حقي بايديا ..

و بإصرار مليانة عينيا

لا رشوة و لا محسوبية

و الشباب مليان وطنية

و إيد ولادك عفيـّـة

و مفيش قوانين غبـية

و لا في حالة طوارئ

تاريــخ مفهوش أذيــّـة

ملهاش بعد النهاردة مكان !

و سمعت صوت الشهيـــد بيقول ..

مبروك يا أمي

كتبت حروف اسمك بدمّي

و مع كل بسمة فيكي

بتولد من جديـــد

مبروك عليا الجنة

و مبروك عليكي الحرية

مصر بعد النهاردة قوية

مصر بعد النهاردة قوية

مصر بعد النهاردة قوية !!!

--------------------------

تاريخ الإنتهاء من كتابته :

14_2_2011